Home Cinema SAHOO Honest Review
Cinema - August 30, 2019

SAHOO Honest Review

సాహో.. ఈ సినిమా క్రియేట్ చేసిన హైప్ అంత ఇంత కాదు . కేవలం ఒక్క సినిమా మాత్రమే అనుభవం గల దర్శకుడు ఆ భారాన్ని , ఒత్తిడిని మోయడానికి సిద్దపడ్డాడు. ట్రైలర్,పోస్టర్స్ తో అంచనాలు మించి సినిమాకు క్రేజ్ ఏర్పడింది. ఈ నేపధ్యంలో ఈ రోజు రిలీజైన సాహో ఆ క్రేజ్ ని నిలబెట్టగలిగిందా,బాహుబలి2 వంటి చిత్రం తర్వాత ప్రభాస్ ఎంచుకున్న ఈ సినిమాతో అబిమానులను ఆకట్టుకుంటాడా ? ఇపుడు చూద్దాం …

ముంబైలో 2000 కోట్ల దొంగతనం చాలా తెలివిగా జరుగుతుంది. ఎలా చేసారో అర్దమవుతుంది..ఎవరు చేసారో అర్దం కాదు. ఒక్క క్లూ కూడా ఆ దొంగ వదలడు. ఆ కేసుని పోలీస్ అధికారి (మురళి శర్మ)కానిస్టేబుల్ (వెన్నెల కిషోర్) డీల్ చేస్తూంటారు. అయితే కేసులో పెద్దగా పురోగతి లేకపోవటంతో అండర్ కవర్ పోలీస్ గా అశోక్ చక్రవర్తి(ప్రభాస్)ని అపాయింట్ చేస్తారు. అశోక్ తన తెలివితో ఈ కేసుని ఈ కేసుని ఇన్విస్టిగేట్ చేసి ఒక్కో క్లూ పట్టుకుంటూ దొంగ (నీల్ నితిన్ ముఖేష్)ని ట్రేస్ చేస్తాడు.అయితే ఆ దొంగకు డిపార్టమెంట్ నుంచి ఎప్పటికప్పుడు ఇన్ఫర్మేషన్ వస్తూండటంతో తప్పించుకుంటూంటాడు. దానికి తోడు అతను దొంగే అని ప్రూవ్ చేయాలంటే రెడ్ హ్యాండెడ్ గా దొంగతనం చేసేటప్పుడు పట్టుకోవాలి. అప్పుడు అశోక్ మరో స్కెచ్ వేస్తాడు. ఆ దొంగకు ఎరవేసి అతని దారిలోనే వెళ్లి పట్టుకోవాలని ఫిక్స్ అవుతాడు. ఆ క్రమంలో ఆ దొంగ వెళ్లే పబ్ కు వెళ్లి అక్కడ పరిచయం చేసుకుంటాడు. ఇక అశోక్ కు డిపార్టమెంట్ తరపున సాయిం చేయటానికి క్రైమ్ బ్రాంచ్ ఆఫీసర్ అమృతానాయర్ (శ్రద్దా కపూర్) డ్యూటీ వేస్తాడు. మెల్లిగా అశోక్ ఆమెతో ప్రేమలో పడతూంటాడు.మరో ప్రక్క ఆ దొంగ తాగిన మైకంలో ఓ విలువైన ఇన్ఫర్మేషన్ అశోక్ కు ఇచ్చేస్తాడు. అదేమిటంటే…వాజీ సిటిలో ఓ మిస్టీరియస్ బ్లాక్ బాక్స్ ఉందని, దాని కోసం చాలా మంది గ్యాంగస్టర్స్ వెతుకుతున్నారని,దాన్ని కనుక పట్టుకుంటే కోట్లు కలిసి వస్తుందని, తను కూడా దాని కోసం ట్రై చేద్దామనుకుంటున్నాడని చెప్తాడు. దాంతో అశోక్ …ఆ బ్లాక్ బాక్స్ దొంగతనం సమయంలోనే రెడ్ హ్యాండెడ్ గా పట్టుకోవాలని డిపార్టమెంట్ తో కలిసి ప్లాన్ చేస్తాడు.ఇదిలా ఉంటే సిటీలో ఓ పెద్ద డాన్ రాయ్ (జాకీ షరాఫ్)ని కొందరు రైవల్ బ్యాచ్ యాక్సిడెంట్ చేసి చంపేస్తారు. అతను కొడుకు (అరుణ్ విజయ్) తన తండ్రి ప్లేస్ లోకి వస్తాడు. అంతేకాక తండ్రిని చంపిన వాళ్లపై పగ తీర్చుకోవాలని ప్రయత్నం చేస్తూంటాడు. ఈ రాయ్ గ్యాంగ్ కు అశోక్ లింక్ ఏంటి..ఆ బ్లాక్ బాక్స్ మిస్టరీ ఏమిటి..అసలు సాహో ఎవరు, దొంగను ..హీరో పట్టుకోగలిగాడా, సినిమాలో మెయిన్ విలన్ ఎవరు వంటి విషయాలు తెలియాలంటే సినిమా చూడాల్సిందే.

ఎనాలసిస్: ‘బాహుబలి’ వంటి సక్సెస్ ఫుల్ సినిమా తర్వాత ఓ నటుడుగా ప్రభాస్ పైనా, ఆయన్ని డీల్ చేసే దర్శకుడుపైనా ఏ స్దాయి ప్రెజర్ ఉంటుందో ఊహించవచ్చు. ఆ ప్రెజర్ తో రాకెట్ లా దూసుకుపోవటమో లేక, ఆ ప్రెజర్ తట్టుకోలేక పేలటమో ఈ రెండింటిలో ఏదో ఒకటి ఎప్పుడూ జరుగుతూంటుంది. అయితే అది ఏది అనేది ఎప్పుడూ క్వచ్చిన్ మార్కే. ఆ విషయం ప్రభాస్ కు తెలియంది కాదు. అందుకే తెలివిగా బాహుబలికి క్వయిట్ ఆపోజిట్ గా మోడ్రన్ యాక్షన్ సబ్జెక్ట్ ని ఎంచుకున్నారు. అలాగే ఈ ప్రాజెక్టుకు ఏ స్టార్ డైరక్టర్ ని ఎంచుకున్నా…అంచనాలు మరింత పెరుగుతాయి.అందుకే సుజీత్ ని సీన్ లోకి తెచ్చి అంచనాలు అదుపులో పెట్టే ప్రయత్నం చేసారు. కానీ సాహో ఎప్పుడైతే తెలుగు సినిమా రేంజ్ దాటిపోయి ఇండియన్ సినిమా అయ్యిపోయిందో అప్పుడే అంచనాలు దాటి పోయింది. ఖచ్చితంగా దేశం మొత్తానికి నచ్చే సినిమా చేయాల్సిన ఆవశ్యకత ఏర్పడింది. దాని ఇంపాక్ట్ పాజిటివ్ గానూ,నెగిటివ్ గానూ ప్రాజెక్టు పై పడింది. తెలుగుదనం అనేది తగ్గిపోయి, హిందీతనం పెరిగిపోయింది. దానికి యూనవర్సిల్ అప్పీల్ అని పేరు పెట్టుకుని సంతోష పడాల్సిందే ట్విస్ట్ లకే

Prabhas Saaho Movie First Look ULTRA HD Posters WallPapers | Shraddha Kapoor

అవసరమైనవి /అనవసరమైనవి : ఈ సినిమాలో ట్విస్ట్ లుకు,స్టైల్ కు ఇచ్చిన ప్రయారిటి ఎమోషన్స్ కు ఇవ్వలేదు. దాంతో తెరపై ఎంత పెద్ద యాక్షన్ సీక్వెన్స్ జరుగుతున్నా కనెక్ట్ కావటం కష్టమైపోతుంది. ఇంటర్వెల్ ట్విస్ట్ కోసం ఫస్టాఫ్ మొత్తం డల్ గా నడిపారు. ఇది ప్రభాస్ సినిమాయేనే అనిపించేలా ఫస్టాఫ్ నడుస్తుంది. అయితే ఇంటర్వెల్ దగ్గర ట్విస్ట్ మాత్రం బాగా పేలింది.ఇక సెకండాఫ్ అయినా కనెక్ట్ అవుతుంది అనుకుంటే అక్కడ వరసపెట్టి ట్విస్ట్ లు పేర్చాడు. మైండ్ గేమ్ లతో గెలిచే హీరో కథ చెప్దామనుకున్నాడు. అంతవరకూ బాగానే ఉన్నా..మరీ మైండ్ గేమ్ లు ఎక్కువై ట్విస్ట్ లు కుప్పలు తెప్పలై వాటిని మైండ్ డైజస్ట్ చేసుకోవటం కష్టం అయ్యింది. క్లైమాక్స్ లో ప్లాష్ బ్యాక్ చూస్తే రొటీన్ రివేంజ్ స్టోరీ చూసామా అనిపించింది.

హైలెట్స్: సినిమాలో ప్రభాస్ స్టైల్, ఫైట్స్,కెమెరా వర్క్ ,గ్రాఫిక్స్ వర్క్ – ఇంటర్వెల్ ట్విస్ట్ – బ్యాడ్ బోయ్ సాంగ్ లో జాక్విలిన్ – జిబ్రాన్ బ్యాక్ గ్రౌండ్ స్కోర్

మైనస్ లు: ఎక్కువైపోయిన ట్విస్ట్ లు – హీరోకు ఎమోషన్ డెప్త్ ఇవ్వకపోవటం – ఆర్డనరీ ఫస్టాఫ్ – సాధారణ ప్రేక్షకుడు కూడా ఊహించగల క్లైమాక్స్

టెక్నికల్ గా: ఈ సినిమాకు టెక్నికల్ గా అవుట్ స్టాండింగ్ గా ఉందని చెప్పాలి. అన్ని విభాగాలు మంచి అవుట్ పుట్ ఇచ్చాయి. కథ, స్క్రీన్ ప్లే విషయంలో దారి తప్పినా సుజీత్ మేకింగ్ విషయంలో తన టాలెంట్ చూపాడు. పెద్ద హీరోలను డీల్ సమర్దంగా డీల్ చేయగలనిపించుకున్నాడు.

సాహో మూవీ ఫైనల్ రేటింగ్:2.5/5

Leave a Reply

Your email address will not be published. Required fields are marked *

Check Also

ఈ వీడియో మీరు 5 సెకండ్స్ కంటే మించి చూడలేరు

ఈ వీడియో మీరు 5 సెకండ్స్ కంటే మించి చూడలేరు …